Pronostico di tempo valido te diabierna 20 di april 2018

0
RBC Juli 2018
Funmiles-2018

Atencion: Un alerta pa biento duro y lama localmente bastante bruto ta na vigor…

Pronontico di tempo pa diahuebs anochi ta indica cu tempo lo ta parcialmente nubla cu chens pa un awasero pasahero. Den marduga y diabierna: parcialmente te hopi nubla cu un awasero local.

Temperatura maximo 32 grado Celsius y temperatura minimo 26 grado Celsius.

Solo lo baha awe nochi 06:52 pm y lo sali mañan mainta 06:25 am.

Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro, tin bez hopi duro den rafaga; forsa 6 te 8 (40 te 64 km/ora, 22 te 35 nudo).

Situacion general di tempo:
Humedad laga atras pa un disturbio na nivelnan mas abou di atmosfera cu ta birando zwak lo induci temporalmente hopi nubia. Pa e motibo aki por spera localmente un awasero den proximo 24 ora. Mas aleu stof fini den aire lo stroba visibilidad un poco den proximo dia.

Condicion di lama:
Olanan di lama lo ta for di direccion oost cu haltura di 5 te localmente 8 pia; e olanan di mas halto lo ta na costanan oost, noord te noordwest di e isla caminda nan por yega te 9 pia. Ta pidi usuarionan di lama y ocupantenan di boto chikito pa tene cuenta cu esaki y procede cu  cautela riba lama habri.

Temperatura di superficie di lama: 26 grado Celsius.

Fenomenonan special: ningun

Potencial di awasero pa proximo 24 ora: 1 pa 2 mm, localmente menos;

Registracion di temperatura (Celsius) y awasero (mm) den ultimo 24 ora:

Airport max 32 / min 27 / 0.0

Pronostico di tempo pa proximo fin di siman:
Levemente te parcialmente nubla y generalmente seco. Biento lo ta for di direccion oost y modera te basta fuerte; den dia fuerte te hopi duro den rafaga;
temperatura max / min lo ta: 32/26

Comments

comments

C: Heineken
new india