Pronostico di tempo tai ndica cu diahuebs anochi, shelo lo ta levemente te parcialmente nubla y generalmente seco.
Diabierna, shelo lo ta parcialmente nubla cu den oranan di marduga y mainta tempran chens pa algun awasero local.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:50 pm y lo sali mañan mainta 06:29 am.
Biento:
For di direccion oost y modera te basta fuerte; forsa 3 te 5 (12 te 30 km/ora, 7 te 21 nudo).
Den dia fuerte te duro den rafaga; forsa 6 te 7 (31 te 61 km/ora, 22 te 33 nudo);
Situacion general di tempo:
Den proximo 24 ora, un disturbio den partinan mas abou di atmosfera lo induci humedad y instabilidad den atmosfera regional. Esaki lo pone nubianan desaroya temporalmente y for di esakinan por spera localmente algo di awasero riba isla di Aruba.
Condicion di lama:
Olanan di lama lo ta for di direccion oost cu haltura di 5 te localmente 8 pia.
Temperatura di superficie di lama 28 grado Celsius.
Fenomenonan special: ningun
Tempo tropical: Gaston ta moviendo oost-noordoost riba awanan habri di Atlantico, west di islanan Azores y ta solamente un molester pa nabegacion maritimo.
– Depresion tropical nr.8 a caba na nada na oost-noordoost di Cape Hatteras, North Carolina, y lo no wordo nombra mas den boletinnan di tempo.
– Hermine a sigui desaroya y bira un horcan. Hermine tabata situa west-zuidwest di Cedar Key, Florida, moviendo den direccion noord-noordoost y no ta forma peliger pa area di Caribe.
Registracion di temperatura (Celsius) y awasero (mm) den ultimo 24 ora :
Airport max 34 / min 27 / 0.0
Hadicurari max 31 / min 27 / 0.0
Pronostico di tempo pa proximo fin di siman:
Parcialmente nubla cu un awasero breve;
Biento lo ta for di generalmente oost y lo ta modera te basta fuerte, de bes en cuando fuerte te duro den rafaga.
Temperatura max/ min lo ta: 34/28