Pronostico di tempo ta indica cu diahuebs anochi shelo lo ta levemente nubla y generalmente seco. Den marduga y diabierna, shelo lo ta parcialmente nubla cu chens pa localmente un awasero.
Temperatura maximo 31 grado Celsius y temperatura minimo 26 grado Celsius.
Solo a baha awe nochi 6 or y 12 y lo sali mañan mainta 06 or y 45.
Biento: modera for di direccion generalmente oost; forsa 3 te 4 (12 te 30 km/ora, 7 te 16 nudo)
den dia posiblemente basta fuerte te fuerte den rafaga; forsa 5 te 6 (31 te 50 km/ora, 17 te 27 nudo)
Situacion general di tempo:
Den proximo 24 ora un disturbio na nivelnan mas abou di atmosfera y cu ta move bay west lo pasa den region local. Pa e motibo aki humedad lo bira de bes en cuando suficiente pa pone mas nubia desaroya cu chens e ora ey pa un awasero localmente.
Condicion di lama:
Olanan di lama lo ta for di direccion oost cu haltura di 3 te localmente 5 pia
Temperatura di superficie di lama: 27 grado Celsius.
Fenomenonan special: ningun
Sistema significante di tempo tropical: Awe ta e ultimo dia di temporada di horcan
2017 di Atlantico. Durante e periodo di 1 di Juni te cu awe 30 di November, 17 ciclon tropical a wordo registra for di cual tabatin 16 tormenta tropical. For di e 16 tormentanan aki a desaroya 10 horcan. Di e 10 horcannan a desaroya 6 horcan fuerte. A pesar cu e temporada a finalisa awe, Servicio Meteorologico di Aruba lo sigui vigila Atlantico pa desaroyonan y si ta necesario emiti
avisonan pa publico.
Registracion di temperatura (Celsius) y awasero (mm) den ultimo 24 ora:
Airport max 31 / min 27 / 0.4
Hadicurari max 30 / min 26 / 0.2
Pronostico di tempo pa proximo fin di siman:
Parcialmente nubla cu chens pa un awasero local. Biento lo ta for di direccion generalmente oost y modera, posiblemente basta fuerte te fuerte den rafaga; temperatura max / min lo ta: 31/26