Pronostico di tempo valido te cu diasabra 19 di januari 2018

Un alerta pa biento duro y lama localmente bastante bruto ta na vigor te otro aviso…

Tempo:
Awe anochi: levemente te parcialmente nubla y generalmente seco. Den marduga y mañan: Parcialmente nubla cu chens pa localmente un awasero pasahero.

Temperatura maximo 30 grado Celsius y temperatura minimo 24 grado Celsius.

Bahada di solo : 6:35 pm
Subida di solo : 7:06 am.

Biento: modera te fuerte for di generalmente direccion oost; forsa 4 te 6 (20 te 50 km/ora, 11 te 27 nudo). Den dia duro te hopi duro den rafaga; forsa 7 te 8 (51 to 64 km/hr, 28 to 35 nudo).

Situacion general di tempo:
Den proximo 24 ora lo no bay tini cambionan significante den e tipo di weer cu ta reina actualmente. Den oranan di marduga y mainta por spera localmente un awasero pasahero; sobra di dia weer lo keda generalmente seco. Diferencianan di presion di aire den area di
Caribe ta birando grandi poniendo cu biento lo supla mas duro durante e weekend venidero aki y gran parti di otro siman.

Condicion di lama:
Olanan di lama lo ta for di direccion oost cu haltura di 4 te localmente 7 pia. E olanan di mas halto lo ta na costanan oost te noordwest di e isla. Ta pidi ocupantenan di boto chikito pa tene cuenta cu esaki ya cu biento ta birando mas duro y lo ocasiona lama localmente mas bruto.

Fenomenonan special: durante e proximo fin di siman, diadomingo anochi dia 20 pa dialuna marduga dia 21, lo bay tin un eclipse total di luna cu lo ta visibel den su totalidad aki na Aruba. E evento den su parti penumbral lo cuminsa 10:36 pm diadomingo dia 20. E eclipse total lo cuminsa 00:41 am dialuna cu un maximo 1:12 am. E eclipse maximo lo termina 1:43 am. E evento den su totalidad (parti penumbral) lo termina 3:48 am dialuna.

Potencial di awasero pa proximo 24 ora: 1 mm; localmente esaki por varia

registracion di temperatura (Celsius) y awasero (mm) den ultimo 24 ora:

Airport max 31° / min 25° / 0.0 mm

Pronostico di tempo pa proximo tres (3) dianan:
Parcialmente nubla cu chens pa un awasero pasahero. Biento lo ta modera te basta fuerte for di direccion oost; den dia fuerte te duro, posiblemente hopi duro den rafaga;
temperatura max / min lo ta: 30° / 24°

Comments

comments