Tempo:
Awe anochi: levemente te parcialmente nubla y generalmente seco. Den marduga y mañan: parcialmente nubla cu chens pa localmente un awasero breve
Temperatura maximo 33 grado Celsius
Temperatura minimo 27 grado Celsius
Bahada di solo : 7:08 pm
Subida di solo : 6:17 am.
Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia duro te posiblemente hopi duro den rafaga; forsa 6 te 7 (40 te 61 km/hr, 22 te 33 nudo).
Situacion general di tempo:
Durante proximo 24 ora, humedad laga atras pa un ola tropical lo produci temporalmente hopi nubia den region local. Principalmente den oranan di marduga y mainta por cay un awasero pasahero riba cierto partinan di Aruba. Di otro un banda, stof fini suspende den aire lo drenta area di Caribe atrobe y lo bay obstaculisa visibilidad un poco durante e di dos mita di siman.
Condicion di lama:
Olanan di lama lo ta for di direccion oost cu haltura di 4 te localmente 7 pia. Ta pidi ocupantenan di boto chikito pa sigui tene cautela riba lama habri, specialmente na parti oost te noordwest di costa.
Fenomenonan special: ningun
Tempo tropical significante: ningun
Potencial di awasero pa proximo 24 ora: 1 mm;
Registracion di temperatura (°Celsius) y awasero (mm) den ultimo 24 ora:
Airport max 32° / min 27° / 0.0 mm
Pronostico di tempo pa proximo tres (3) dianan:
Parcialmente nubla i generalmente seco. Biento lo ta modera te fuerte for di generalmente direccion oost; den dia duro te posiblemente hopi duro den rafaga;
temperatura max / min lo ta: 33° / 27°