Atencion: Un alerta pa biento duro ta na vigor y un aviso pa boto chikito ta na vigor..
Tempo:
Awe anochi: Levemente te parcialmente nubla y generalmente seco. Den marduga y mañan: levemente te parcialmente nubla cu chens pa un awasero pasahero.
Temperatura maximo 31 grado Celsius
Temperatura minimo 26 grado Celsius.
Bahada di solo : 6:48 pm
Subida di solo : 6:57 am.
Biento: modera te basta fuerte, posiblemente fuerte for di generalmente direccion oost; forsa 4 te 6 (20 te 50 km/ora, 11 te 27 nudo). Den dia duro te posiblemente hopi duro den rafaga;forsa 7 te 8 (51 to 65 km/hr, 28 to 35 nudo).
Situacion general di tempo:
Den proximo 24 ora humedad disponibel den nivelnan mas abou di atmosfera lo por induci un awasero pasahero durante oranan di marduga y mainta. Resto di dia tempo lo keda generalmente seco.
E diferencianan di presion den area di Caribe a bira menos y e alerta pa biento duro y aviso pa boto chikito lo wordo cancela mañan mainta 6 ‘or.
Condicion di lama:
Olanan di lama lo ta for di direccion oost cu haltura di 5 te localmente 8 pia cu e olanan di mas halto na costanan oost, noordoost te noordwest di e isla. E aviso pa boto chikito lo wordo cancela mañan mainta 6’or. Sinembargo, ta pidi ocupantenan di boto chikito pa sigui tene cautela na partinan oost, noordoost te noordwest di nos costanan.
Fenomenonan special: ningun
Potencial di awasero pa proximo 24 ora: menos cu 1 mm;
Registracion di temperatura (Celsius) y awasero (mm) den ultimo 24 ora:
Airport max 31° / min 25° / 0.0 mm
Pronostico di tempo pa proximo tres (3) dianan:
Parcialmente nubla y generalmente seco. Biento lo ta modera te basta fuerte, tin bez fuerte for di direccion oost; den dia duro, posiblemente hopi duro den rafaga;
temperatura max / min lo ta: 31° / 25°
*Aviso pa boto chikito: un boletin pa alerta ocupantenan di boto chikito di condicionnan adverso di lama.