Tempo:
Awe anochi: levemente te parcialmente nubla y generalmente seco. Den marduga y mañan: parcialmente te brevemente hopi nubla cu chens pa localmente un awasero breve.
Temperatura maximo 30 grado Celsius y temperatura minimo 25 grado Celsius.
Solo lo baha awe nochi 6:12pm y lo sali mañan mainta 6:45am.
Biento: Modera for di direccion generalmente oost, forsa 3 te 4 (20 te 30 km/ora, 7 te 16 nudo). Den dia fuerte te basta fuerte den rafaga; forsa 5 te 6 (40 to 61 km/hr, 22 to 33 nudo).
Condicion di lama:
Olanan di lama lo ta for di direccion noordoost cu haltura di 3 te localmente 5 pia cu e olanan di mas halto na costanan oost te noordwest di e isla.
Situacion general di tempo:
Den proximo 24 ora, no ta spera mucho cambio den e tipo di weer cu tin actualmente. Humedad disponible den nivelnan mas abou di atmosfera lo pone cu temporalmente mas nubia lo pasa riba region local. Principalmente den oranan di marduga y mainta trempan e nubianan aki por produci un awasero pasahero riba parti di e isla.
Tempo tropical significante: Ningun
Sistema significante di tempo tropical: Awe ta e ultimo dia di temporada di horcan 2018 di Atlantico. Durante e periodo di 1 di juni te cu awe 30 di november, 16 ciclon tropical a wordo registra for di cual tabatin 15 tormenta tropical. For di e 15 tormentanan aki a desaroya 8 horcan. Di e 8 horcannan a desaroya 2 horcan fuerte. a pesar cu e temporada ta finalisando awe, Servicio Meteorologico di Aruba lo sigui vigila Oceano Atlantico pa desaroyonan y si ta necesario emiti avisonan pa publico.
Potencial di awasero pa proximo 24 ora: 1 te cu 2 mm; localmente esaki por varia.
Registracion di temperatura (Celcius) y awasero : 30/24/ 0.2
Pronostico di tempo pa proximo tres (3) dianan:
Levemente te parcialmente nubla cu localmente un awasero pasahero. Biento lo ta modera te basta fuerte for di direccion oost; den dia posiblemente fuerte den rafaga;
Temperatura max / min lo ta: 31/25