Tempo: Parcialmente cu chens pa awasero local. Den marduga y mañan: parcialmente te hopi nubla cu localmente un awasero breve.
Temperatura maximo 33 grado celsius y temperatura minimo 26 grado celsius.
Solo lo baha awe nochi 6:32 pm y lo sali mañan mainta 6:29 am.
Biento: Modera te basta fuerte for di direccion oost forsa 3 te cu 5 (12 te 39 km/ora, 7 te 21 nudo ). Den dia fuerte den rafaga: Forsa 6 (40 te 50 km/ora, 22 te 27 nudo.)
Situacion general di tempo:
Den proximo 24 ora ainda tin bastante humedad den atmosfera cu lo szorg pa temporalmente mas nubia den region local. Principalmente den oranan di marduga y mainta trempan esaki lo por produci localmente un awasero cu por bay compaña pa lamper cu strena.
Condicion di lama:
Olanan di lama lo ta for di direccion oost cu haltura di 3 te localmente 6 pia. E olanan di mas halto na costanan oost, noordoost te noordwest di e isla. Durante di weekend labaderanan modera lo yega awanan di region local y lo por haci esaki na cierto localidadnan temporalmente bastante
bruto. Un aviso pa boto chikito y lama localmente bastante bruto lo por bira necesario.
Fenomenonan special: Ningun
Tempo tropical significante:
Tormenta tropical Kirk tabata situa 140 km oost- zuidoost di Martinique, moviendo den direccion west- noordwest cu un velocidad di 24 km/ora. Kirk ta acercando e islanan mas oost di Caribe y ta pronostica cu una bes e drenta awanan di lama Caribe e lo perde forsa.
Departamento Meteorologico di Aruba lo sigui e desaroyonan di Kirk cu hopi atencion.
E sobranan di Leslie cu ta moviendo riba Atlantico Central, west di Azoren, tin un chens grandi di bolbe regenera y bira un ciclon tropical den proximo 48 ora.
Potencial di awasero pa proximo 24 ora: 1 te 2 mm; localmente por varia
Airport max 33 / min 27 / 0.2
Pronostico di tempo pa proximo tres (3) dianan:
Parcialmente nubla cu localmente un awasero. Biento lo ta modera te basta fuerte for di direccion oost, zuid-oost. DRen dia fuerte te posiblemente duro den rafaga;
temperatura max / min lo ta: 34/27