– Un alerta pa biento fuerte lo drenta na vigor mañan, diabierna mainta 6’or
– Un aviso pa boto chikito ta na vigor; extra cautela mester wordu eherce na parti oost te noordwest di costa.
Tempo:
Awe anochi: levemente te parcialmente nubla yi generalmente seco. Den marduga y mañan: parcialmente nubla cu chens pa localmente un awasero breve
Temperatura maximo 33 grado celsius
Temperatura minimo 27 grado celsius
Bahada di solo : 7:08 pm
Subida di solo : 6:17 am.
Biento: modera te fuerte for di direccion oost; forsa 4 te 6 (20 te 50 km/ora, 11 te 27 nudo). Den dia duro te posiblemente hopi duro den rafaga;forsa 7 te 8 (51 te 64 km/hr, 22 te 35 nudo).
Situacion general di tempo:
Un ola tropical situa den parti oost di caribe lo pasa den region local bayendo west durante proximo 24 ora. Esaki lo trece humedad adicional den area cu por produci localmente un awasero breve. Di otro un banda, stof fini suspende den aire lo bai obstaculisa visibilidad un poco durante proximo dianan.
E diferencianan di presion di aire lo bolbe aumenta durante proximo 24 ora poniendo cu biento tambe lo aumenta. Pa e motibo aki un alerta pa biento fuerte lo drenta na vigor mañan mainta 6’or.
Condicion di lama:
Olanan di lama lo ta for di direccion oost cu haltura di 5 te localmente 8 pia. Un aviso pa boto chikito ta na vigor. Ta pidi ocupantenan di boto chikito pa tene cautela riba lama habri, especialmente na parti oost te noordwest di costa.
Fenomenonan special: ningun
Tempo tropical significante: ningun
Potencial di awasero pa proximo 24 ora: 1 to 2 mm;
Registracion di temperatura (°Celsius) y awasero (mm) den ultimo 24 ora:
Airport max 31° / min 26° / 1.0 mm
Pronostico di tempo pa proximo tres (3) dianan:
Parcialmente nubla cu un awasero breve. Biento lo ta modera te fuerte for di generalmente direccion oost; den dia duro te posiblemente hopi duro den rafaga;
temperatura max / min lo ta: 33° / 27°