Un aviso pa boto chikito lo drenta na vigor te proximo aviso, cu lo wordo cancela den weekend.
Tempo: Hopi nubla cu chens pa awasero local. Den marduga y mañan: parcialmente te hopi nubla cu localmente un awasero.
Temperatura maximo 32 grado Celsius y temperatura minimo 25 grado Celsius.
Solo lo baha awe nochi 6:28 pm y lo sali mañan mainta 6:29 am.
Biento: modera for di direccionnan entre noordoost y zuidoost; forsa 3 te 4 (12 te 30 km/ora, 7 te 16 nudo). Den dia basta fuerte den rafaga.. Forsa 5 te cu 6 (31 te cu 50 km/h, 17 te cu 27 nudo).
Situacion general di tempo:
Den proximo 24 ora un ola tropical bayendo west lo trece humedad den atmosfera. Temporalmente esaki por pone mas nubia pasa riba region local y produci localmente un awasero. No por exclui e posibilidad di lamper cu strena.
Condicion di lama:
Olanan di lama lo ta for di direccion oost cu haltura di 4 te localmente 6 pia. E olanan di mas halto na costanan oost te noordwest di e isla. Labaderanan modera for di noord- noordoost ta bahando pero ainda lo por sigui haci lama na cierto localidadnan bastante bruto. Un aviso pa boto chikito y lama localmente bastante bruto ta keda na vigor; sinembargo, esaki lo wordo cancela pa e weekend venidero.
Fenomenonan special: Ningun
Tempo tropical significante:
Tormenta tropical Leslie tabata moviendo riba Atlantico Central, oost di Bermuda. E no ta un peliger pa e area di Caribe.
Potencial di awasero pa proximo 24 ora: 1 te 5 mm; localmente por varia
Airport max 29 / min 24 / 2.4
Pronostico di tempo pa proximo tres (3) dianan:
Levemente te parcialmente nubla cu localmente un awasero. Biento lo ta modera te basta fuerte for di direccion noordoost te oost; den dia posiblemente fuerte den rafaga; temperatura max / min lo ta: 33/27