Pronostico di tempo ta indica cu diasabra anochi, shelo lo ta parcialmente te temporalmente hopi nubla cu chens pa algun awasero cu por wordo compaña pa strena cu lamper.
Diadomingo, shelo lo ta parcialmente te temporalmente hopi nubla cu chens pa localmente algun awasero den oranan di marduga y mainta cu tambe por wordo compaña pa strena cu lamper.
Alerta: Un aviso pa lama bruto y boto chikito ta keto bay na vigor.
Temperatura maximo 32 grado Celsius y temperatura minimo 26 grado Celsius.
Solo a baha awe nochi 06:30 pm y lo sali mañan mainta 06:29 am.
Biento:
For di direccion oost- zuidoost te oost y modera te basta fuerte; forsa 3 te 5 ( 12 te 30 km/ora, 7 te 21 nudo)
Den dia of den awasero de bes en cuando fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo);
Situacion general di tempo:
Un atmosfera ketu bay humedo y instabil combina cu zona di convergencia intertropical cu por bira activo den marduga por pone nubianan sigui desaroya den region local.
Pa proximo 24 ora por spera e ora ey ainda algun awasero riba isla di Aruba cu posibilidad di strena cu lamper.
Condicion di lama:
Olanan di lama lo ta for di direccion west te zuidwest cu haltura di 5 te localmente
8 pia den labaderanan induci pa horcan Matthew cu ta biniendo for di direccion west zuidwest. Un aviso pa lama bruto y boto chikito ta keto bay na vigor. Ta conseha cautela na hendenan cu ta bay y haci uzo di lama.
Temperatura di superficie di lama 29 grado Celsius.
Fenomenonan special: ningun
Tempo tropical: Horcan fuerte Matthew, tabata situa awe tardi na 13.5 noord y 73.4 west; esaki ta 620 km zuidoost di Kingston, Jamaica. E horcan ta bayendo noordwest, alehando su mes mas y mas for di region local.
Eegistracion di temperatura (Celsius) y awasero (mm) den ultimo 24 ora :
Airport: max 29 / min 25 / 29.0
Hadicurari: max 29 / min 24 / 36.8
Pronostico di tempo pa sobra di fin di siman:
Parcialmente nubla cu chens pa localmente algun awasero;
Biento lo ta for di generalmente oost y lo ta modera te basta fuerte, de bes en cuando fuerte te posiblemente duro den rafaga.
Temperatura max/ min lo ta: 32/26
e proximo bulletin lo wordo publica diadomingo 02 di october 2016 17:00 (21:00 utc)