Pronostico di tempo ta indica cu diamars anochi, shelo lo ta parcialmente nubla cu chens pa localmente un awasero.
Diaranson, shelo lo ta parcialmente nubla cu chens pa localmente un awasero den oranan di marduga y mainta
Alerta: Un aviso pa lama bruto y botonan chikito ta na vigor pa e partinan di Bushiri te Arashi. E aviso pa cautela riba lama pa sobra partinan ta keto bay na vigor.
Temperatura maximo 33 grado Celsius y temperatura minimo 28 grado Celsius.
Solo lo baha awe nochi 06:28 pm y lo sali mañan mainta 06:29 am.
Biento:
For di generalmente direccion zuidoost y swak te modera; forsa 2 te 4 ( 7 te 30 km/ora, 4 te 16 nudo)
Temporalmente for di direccionan varia y swak; forsa 1 te 2 (1 te 11 km/ora, 1 te 6 nudo)
Situacion general di tempo:
Den proximo 24 ora ainda lo tin basta humedad cu por causa temporalmente hopi nubia riba nos region; Sinembargo, ta spera solamente un awasero aisla y di duracion corto riba isla di Aruba.
Condicion di lama:
Olanan di lama lo ta for di direccion west y noordwest cu haltura di 4 te localmente 7 pia den labaderanan induci pa horcan Matthew. Un aviso pa lama bruto ta na vigor y e alerta pa usuarionan di lama pa procede cu cautela ta keto bay na vigor.
Temperatura di superficie di lama 29 grado Celsius.
Fenomenonan special: ningun
Tempo tropical: Horcan fuerte Matthew, tabata situa awe tardi na oost zuidoost di Guantanamo, Cuba y ta moviendo riba generalmente den direccion noord y no ta un peliger pa nos region local.
– Mientras tanto un otro tormenta tropical a nace for di un area di presion abou banda di islanan ariba. Tormenta tropical Nicole tabata situa na mas of menos 800 km noordoost di San Juan, Puerto Rico y tabata moviendo noordwest. E sistema aki no ta un peliger pa nos region.
Registracion di temperatura (Celsius) y awasero (mm) den ultimo 24 ora :
Airport: max 32 / min 28 / 0.0
Hadicurari: max 32 / min 27 / 0.0
Pronostico di tempo pa proximo dianan di siman:
Parcialmente nubla cu chens pa localmente un awasero;
Biento lo ta for di generalmente zuidoost y lo ta swak te modera;
temperatura max/ min lo ta: 33/28