HAVANA/WASHINGTON – E prome vuelo comercial director entre Merca y Cuba a baha diaranson den e ciudad di Santa Clara, den centro di e isla, despues di mas di mey siglo di restriccion y encarnando un paso mas den e proceso di normalisacion entre ambos pais.
E avion di e compania Mericano, JetBlue a sali for di e aeropuerto di ciudad di Fort Lauderdale, zuid di Floria, contanto den su lista di pasahero cu e secretario di Transporte di Merca, Anthony Foxx y e director ehecutivo di e compania aereo, Robin Hayes, DPA a menciona.
Den e Airbus A320, cu a aterisa den e aeropuerto Abel Santamaria di Santa Clara, tambe a biaha periodistanan, descendientenan di Cubano y Mericanonan, den e prome vuelo comercial directo desde 1961, e agencia Prensa Latina a reporta.
Na Februari, Washington y La Havana a yega na un acuerdo pa reanuda vuelonan comercial directo, te awo solamente por bula entre ambos pais den servicionan charter, cu lo mantene of atrabes diotro pais.
Apesar di e reanudacion di vuelonan comercial directo, mericanonan lo sigui teniendo prohibi pa haci turismo na Cuba debi na e embargo, pa esnan cu tabata autorisa pa biaha na e isla lo sigui ta un cantidda limita di persona.
Tras e historico anuncionan di restablecimento di e relacionnan diplomatico entre ambos pais, Obama a flexibilisa e tramitenan pa por biaha pa Cuba, pero e ciudadanonan Mericano ainda tin cu atene na un di e 12 categorianan autorisa, manera biahenan religioso, cultural of academico entre otro.
E vuelo di JetBlue ta forma parti di e acuerdo di 110 vuelo diario pa Cuba aproba pa e Departamento di Transporte di Mericano, di cual 90 ta a nuebe aeropuerto di ciudadnan Cubano diferente na Havana.
E companianan American Airlines, Frontier Airlines, Silver Airways, JetBlue, Sun Country Airlines y SoutWest Airlines, ta e lineanan aereo autorisa pa e momento pa bula na otro aeropuertonan Cubano, segun e Departamento di Transporte di Merca a informa. Vuelonan lo sali for di Miami, Fort Lauderdale, Chicago, Minneapolis y Philadelphia y lo yega na ciudadnan Cubano di Camaguey, Cayo Coco, Cayo Largo, Cienfuegos, Holguin, Manzanillo, Varadero, Santa Clara y Santiago de Cuba.
Fuente: El Universal