BALTIMORE, Merca- Ciruhanonan na Merca a anuncia diahuebs cu nan a realisa e prome transplante di un donante bibo cu HIV pa un receptor tambe cu HIV. Esaki sigur ta un primicia medico mundial.
Dokternan di e hospital di e Universidad Johns Hopkins na Baltimore a bisa cu e riñon di un muhe cu e virus di AIDS a haya un transplante dialuna di otro persona cu e virus di AIDS, den e prome operación di e tipo aki cu ta wordo haci na mundo.
“Mi ta sintimi bon”, e donante, Nina Martinez, di 35 aña, a bisa sonriente den un conferencia di prensa diahuebs.
E recipiente, cu no a wordo identifica, ta “hopi bon”, Christine Durand, profesor asocia di medicina y oncologia na Johns Hopkins. “Awo solamente nos ta monitor e resultadonan a largo plazo”, el a agrega.
Desde cu ex presidente Barack Obama a bin cu’n ley federal na 2013, organonan extrai di personanan HIV + cu a fayece por wordo transplanta den recipientenan HIV +, cu tambe por ricibi organonan di personanan cu ta HIV -, como cualkier otro pashent riba e lista di espera.
Martinez, un residente di Atlanta cu a bira donante despues di a wak un capitulo di e serie di television ‘Grey’s Anatomy’, a bisa cu el a emociona di ta parti di un avance medico. “Mi tabata sa cu ami tabata e persona cu nan tabata tin mester di dje”, el a bisa.
Te awo e dokternan tabata pensando cu tabata demasiado peligroso pa laga un persona cu HIV cu’n solo riñon. Nan tabata tin miedo di cu e HIV y e remedinan lo debilita e riñon restante di e donante.
E posibilidad di uza organonan di donantenan bibo lo cambia e comparacion significativamente e
“E portanan awo ta habri pa personanan cu ta biba cu HIV bira donante di riñon”, Dorry Segev, profesor asocia di cirugia di e Universidad di Johns Hopkins a bisa. E tabata e dokter cu a opera Martinez.
Dokternan ta calcula cu entre 500 y 600 persona cu HIV + lo por ta donante di organo cada aña na Merca, ya cu a papia cu personanan cu tin HIV cu ta candidato pa ta donante di riñon.