Ministerio Publico ta confirma cu awe tardi recherche a detene un sospechoso masculino biba na Tarabana J.A.C di 46 aña di edad naci na Aruba lo ta envolvi den e morto violento di e hoben S.Sierra riba 3 di November 2017.
E caso aki ta bou nomber di Fist. E homber J.A.C cu ta un persona peligroso a wordo poni den detencion di biaha diaranson atardi y lo wordo hiba e siman aki ainda dilanti hues comisario. Un team special di recherche di cuerpo policial ta investigando e caso aki na un forma intensivo y riba escala grandi. E resultado di e investigacion aki a hiba finalmente pa detencion di e prome sospechoso.