CATALUNYA, Spaña- E lucha pa logra pa prostitucion y trabaonan sexual wordo reconoci como un trabao legal a dal un paso grandi.
E Intersindical Alternativa di Catalunya (IAC) a crea e prome sección sindical di Spaña pa reclama e derechonan laboral di e trahadonan sexual.
Según su promotornan, e obhetivo final ta di logra cu e trabao sexual sea reconoci como un profesión. Pa aworaki, solamente un dozijn di trahadonan sexual a inscribi, aunke, según e coordinador di e Federacion di Otro Actividadnan di IAC, Mireia Herrera, e idea ta pa expande e iniciativa na otro sindicatonan di estado pa trahadonan di e país por haya afilicion.
A pesar di cu ainda tin hopi caminda pa cana, e miembronan di e sección sindical a califica e sucedido di un triunfo autentico. “Kico ta un sindicato, un structura reconoci pa estado, pa bisanos cu nos ta colega, cu nos ta trahadonan, ta un paso padilanti”, Paula Ezkerra ta sigura. Ademas, e ta afirma cu e proyecto aki lo no stop te ora cu tur e trahadonan sexual di estado ta afilia.
Otro miembro di e sindicato ta considera cu ta fundamental pa “visualisa e stigma y criminalisacion no ta bay cu e trabao sexual”. Di mes manera, e ta enfatisa cu e reconocimento di trabao lo yuda profesionalnan di e sector di marginalidad pa introduci nan den sociedad como ciudadano.
Despues di e prome reconocimento aki, e impulsornan ta busca, den un di dos fase, crea un unión sindical di trabao sexual pa actua conhuntamente y puntra e ciudadano kico nan ta opina di e profesion aki.