Pa medio di e comunicado di prensa aki Oficina Central di Estadistica (CBS) kier a informa cu durante e dianan 6, 7 y 8 di Maart, CBS lo conduci e prome pilot di pa prepara pa e Censo cu lo tuma lugar na 2020. E metanan di e prome pilot aki ta:
• Test e proceso di digitalisacion di Censo 2020, teniendo na cuenta cu e Censo2020 lo ta completamente digital
• Test e proceduranan cu lo wordo usa durante di e controle di e data cu ta wordo colecta
• Test cuestionario digital
E prome pilot aki lo conta cu e participacion di boluntarionan cu lo yena e cuestionario digital a base di data ficticio (fake data). Personal di CBS mes lo ta encarga pa asisti e boluntarionan durante e yenamento di e cuestionario digital.
A base di e resultadonan di e prome pilot, adaptacionnan necesario lo wordo haci na e proceduranan cu lo wordo implementa durante di Censo 2020 como tambe na e cuestionario digital. Pa e motibo aki CBS kier a duna un danki grandi na tur e boluntarionan cu a pone nan tempo disponibel pa asisti CBS den e prome pilot aki!
E segundo pilot lo tuma lugar den luna di october 2019. Durante e pilot aki, hogarnan selecciona lo wordo acerca door di encuestadornan di CBS pa completa e cuestionario di Censo 2020.