AMAGA, Colombia – Husgado di Amaga (Antioquia), a condena ayera na seis luna di prizon na David Andres Florez Acosta, di 31 aña, pa e delito di maltrato animal grave, ora cu el a reconoce cu el a mata y come pushi.
“E investigacion ta relaciona cu e hortamento di varios pushi, caminda cu ta figura esun di e pastoor di e parokia di e pueblo, cualnan a wordo sacrifica y comi den cas di e sospechoso,” Ministerio Publico a señala.
Florez Acosta a wordo gara dia 19 di September di 2016 pa polis den su propio residencia, unda cu nan a haya un craneo y cinco cuero di e pushinan horta. Na momento di su detencion Florez Acosta, cu ya a wordo denuncia pa su bisiñanan pa e mal holonan, a reconoce cu e tabata come carni di pushi.
Den e pais no ta prohibi e consumo di carni di pushi, cabay of di cacho, pero loke si ta penalisa ta e maltrato animal, delito pa cual Florez a wordo acusa.
Sin embargo, e homber a wordo reconoci di su estado di marginalidad, pa loke a concede e beneficio di libertad condicional, Fiscalia a agrega.
Dia 6 di Januari di 2016, presidente Juan Manuel Santos a sanciona e ley nobo contra maltrato animal cu ta modifica e articulo 655 di Codigo Civil pa reconoce e animalnan como “sernan sintiente.”
E ley nobo aki, cu a wordo aproba na final di 2015, ta establece multanan cu ta bay desde cinco pa 50 salario minimo legal (di 1249 pa 12500 dollar), pa esnan cu ta “incuri den actonan dañino y di crueldad contra di animalnan.”
E norma ta premira un pena di 12 pa 36 luna di prizon y inhabilidad special di unp a tres aña pa esnan cu “ta causa morto of lesion gravemente na e salud di e animalnan silvestre, domestico.”
Fuente: www.elheraldo.co