Prome Minister Sra Evelyn Wever Croes durante conferencia di prensa diahuebs a duna di conoce cu luna di Januari por a mira cu casonan a aumenta drastico. 52 persona a fayece cu tin covid. 25 persona ta interna den hospital y 11 ta den cuido intensivo e sala cu tin ta casi yen y pronto lo tin prepara otro sala pa mas pashent, pero cuido intensivo no a yega su capacidad ainda di ta yen.
Casonan nobo pa dia ta na un averahe di 60 pa dia cu ta keda detecta, e parti preocupante ta personanan cu ta bin pa test cu ta sali positivo ya algun dia tabata tin esaki y ta cana rond y ta un riesgo di a plama esaki sin nan mes sa. Prome Minister kier a haci un apelacion na henter comunidad cu nos ta den un situacion serio cu ta afecta nos salud y economia pasobra ta mirando 60 caso averahe nobo pa dia y ta mustrando cu e virus t’ey y nos tin cu sigui cuida.