Durante conferencia di prensa yama pa Gobierno Prome Minister di Aruba Sra Evelyn Wever Croes a duna di conoce cu ainda e contract cu Citgo ta vigente. E siman aki Prome Minister di Aruba a keda sorprendi pa e retiro di e director di Refineria di Aruba Sr Koolman y a keda sorpendi debi cu nos ta meimei di un negosacion di un MOU y meimei di un investigacionnan cu ta andando pa un tempo na RDA y e luna aki lo tin e resultadonan.
Prome Minister a menciona cu na momento cu su persona tabata den Parlamento cu un contracto laborol cu Richard Arends a firma cu RDA y a puntra e director si e sa di esaki su persona a contesta e mandatario cu e no sa di dje y a conta riba esaki y a sigui e debate politico riba e informacion di Koolman cu e no sa nada di contract y dos pa tres dia despues a bin topa cu tres documento di reunionnan di shareholdernan cu e firma di director uno cu ta nombra Richard Arends como director financiero, e di dos ta ora a dune e verlof pa bira Minister y ta keda contract y e di tres ta ora cu e ta bira Parlamentario. Sra Wever Croes a bisa easki ta dificil pa crea un confiansa y dificil pa un Minister traha cu un persona cu ta gaña e minister meimei di un debate politico. Mi ta lamenta asina mandatario a bisa debi cu Sr Koolman ta un persona cu sa hopi di refineria y dia cu a bay OFAC cu ta e momento mas crucial den su carera como minister y mester a atende cu e refineria y ta cu Sr Koolman na su banda y cu Sr Koolman den reunion y como consehero y pa e por guia e tipo di reunion aki y lamentablemente despues ora e ta wordo gaña y ta kibra e tipo di confiansa cu bo mester tin den un director.
Prome Minister a menciona cu el a caba di haya un update con e investigacionn ta andando y ora compronde cu nan a delete informacion for di nan laptop prome cu a entrega esaki pa investigacion forenciso y ta pone pensa cu kende ta tapa pa ken. Na momento cu e team forensico a yega pa busca e laptop prome Minister a haya un yamada cu ta informe cu ta preparando pa consehabo na Washington y preparando e notanan pa bay OFAC y ta yamada di e director, y e ora ey Prome Minister a duna instruccion cu no ta bay cu laptop di director y lage haci su trabou pa e por conseha e mandatario bon na OFAC y su mayan ta busca e laptop y e ora ey a haya tur cos delete caba y asina e director Koolman a probecha delete tur informacion, y esaki ta demostra cu den RDA tin hopi cos di sconde.