Gobierno a bin hunto cu e organisacion cu ta prepara comunidad na momento cu por enfrenta retonan cu ta importante cu por garantisa trankilidad, siguridad y salud di comunidad. Esaki ta loke prome minister di Aruba, Mike Eman, a comenta, na inicio di e conferencia di prensa cu a tuma luga den Sala di Conseho di Minister, na ocasion di e briefing riba Tormenta Tropical cu actualmente ta hibando e nomber di Matthew
Manera cu meteo a anuncia, e tempo cu a bin ta monitorea e ultimo dianan mientras tanto awe a bira un tropical storm cu un watch pa Aruba. Desde cu a cuminsa pa organisa y prepara pa cualkier eventualidad pa tempestad, Meteo lo keda duna comunidad informacion riba e direccion cu e ta duna y e distancia cu e lo pasa di nos isla. Naturalmente ta spera cu e por pasa mas leu posibel y tambe e consecuencianan cu e tropical storm aki lo tin pa e tempo pa Aruba, pa biento awasero, olanan grandi y manera cu a expresa den pasado, por haya un combinacion di tur tres cu siguramente ta presenta comunidad cu reto y pa e motibo ey tin un organisacion ta bin ta trahando dene ultimo dianan den nos comunidad pa ta prepara, tanto como pais, pero tur nos ciudadanonan mes den nan propio bario, cas y tambe otro centronan comercial, den tiendanan, establecimentonan, tuma e precaucionnan necesario.
Ta keda pa un reto cuanto aviso ta duna pa e precaucionnan cu tin cu tuma pasobra hopi precaucion por crea panico, por crea despues un sentido cu tur esey no tabata necesario y tampoco ta responsabel pa bisa cu por ta e no ta bay ta tanto grave, e ta bay pasa leu of e ta un tropical storm, esey kiermen cu no mester tuma e mesun hopi precaucion.
Ta bon pa hende sigui di cerca e informacionnan cu ta bay wordo duna y asina por ta suficientemente prepara tanto como ciudadano como famianan na Aruba y organisacionnan pa tuma e precaucionnan necesario cu por tuma como individuo, famia of organisacion na e momentonan aki.
E organisacionnan cu tin cu sostene comunidad den e casonan aki, pa e organisacionnan aki traha optimalmente. Tur e organisacionnan importante aki den nos siguridad, a tuma e precaucionnan interno, nan ta reuniendo tur e dianan aki pa tuma tur paso necesario pa e organisacionnan suministra nos comunidad cu e sosten ora algo sosode cu aporte di e instanciananan aki ta bira necesario, den coordinaicon cu Rampenbureau, a bin ta tumando luga.
Pa 8’or y mey lo bay tin un reunion di e operational team y lo sigui un otro reunion pa 10’or cu 30 diferente cabes, organisacion y departamento pa asina sigui cu e preparacionnan pa si en caso algo lo tuma luga.
E dianan cu ta spera cu nos por mira efectonan di esaki, manera cu Meteo a bisa, ta den oranan laat di mañan atardi, siguiendo den anochi pa marduga. Pa cuanto dia, sa cu den pasado ta depende con largo e keda riba e isla of den vecindario. Nos a conoce sistemanan cu a bin bek, hasta dos dia despues. Tur esey ta haci cu ta importante pa sigui e informacionnan cu ta bay wordo duna. Desde mañan, informacionnan cu ta wordo duna pa Meteo, lo wordo duna den combinacion cu e operational team, caminda cu comandante di bombero, Eduard de Cuba lo tuma e rol y lo ta e persona di contacto pa esaki .
Instancianan ta haciendo nan trabao, DOW ta haciendo tur riool limpi, percurando pa tur makinaria necesario, pompnan, vehiculonan riba caminda tur esaki ta wordo haci na e momentonan aki. E preparacionnan di parti di Salubridad Publico, hunto cu Hospital den henter e mundo medico ta wordo haci. Ambulancenan cu ta staciona dos caminda, awor a wordo reparti pa bay para na momento cu duna e señal ey, dos na ImSan, dos na Wayaca, dos na warda di polis na Macuarima y tambe dos na brandweer stacion na Tanki Flip pa ta cubri den diferente area e ayudo di cuido medico si ta necesario.
Tur e preparacionnan aki riba nivel di transporte ta wordo haci. Tin palabtracionnan cu sector priva, cu pompnan di gasolin cu organisacionnan cu tin eventonan manera Palm Island y Renaissance Island, caminda cu palabracionnan a wordo haci pa cancela e eventonan pasobra e por ta puntonan cu no por bay duna asistencia si olanan bira grandi y haya situacionnan fastioso.
Ta keda den contacto cu comunidad y otro islanan. Awor ey tabta tin combersacion cu Gezaghebber Reina di Bonerio, rond di 6’or ainda no tabata tin efecto di e tempo. Nan ta den full preparacion pa tuma e precaucionnan necesario. Diabierna na Boneiro lo tabata tin scol normal, pero esaki no lo ta e caso. Den nos caso, no tin scol regular caba debi cu tin un atv dag pa e docentenan.
Den contexto di cooperacion di paisnan den Reino, a haci palabracion cu Boneiro cu lo keda sigui e desaroyo di Boneiro di cerca y si tin cualkier ayudo of asistencia cu Aruba por duna nan por conta riba esaki y tambe lo ta pendiente di informacionnan cu nan ta suministra con nan ta experiencia e tempo. No semper e tabata mescos. Ora e yega Corsou of Boneiro, no ta nifica mescos pa Aruba.
E por duna indicacion di loke por spera. Den e contexto di e cooperacion semper na momento cu tin retonan adicional pa loke ta operacion pa asisti nos ciudadanonan por conta riba Marina di Reino. A firma un carta di peticion pa un yudansa asina, si e bira necesario. Tabata tin contactonan informal riba diferente nivel di defensa y a formalise cu un peticion y pendiente si e bira necesario.
Departamentonan ta trahando dia y anochi y ta preparando pa cualkier eventualidad. Ta pidi comunidad pa duna cooperacion cu autoridad haci sigur ora cu e situacion cu a bay ta surgi, e cantidad di yamadnan cu ta drenta e ora ey den otro barionan, ta hopi y hopi biaha no tin tanto persona. Tanto ekipo pa por duna asistencia na ora, rapido y e ora cada aporte di e ciudadanonan den nan bario por yuda y pesey tambe semper lo aprecia e contacto y organisacion den e diferente barionan pa duna colaboracion si esey bira necesario y duna tur aporte na tur instancia oficial cu ta haci yamada na comunidad.
Ta bon pa accentua pa e situacion di lama. Esey si practicamente semper, ora cu e tempestad no tabata mes fuerte cu a spera, e olanan di lama ta bira bruto. Por a mira cambionan dramatico riba nos awanan..Ta bon pa tuma e precaucion pa saca botonan di lama of ancranan bon y defintiviamente ta bay na nos hobennan pa evita drenta lama. E ta un tentacion, pero e orlanan aki no ta bin unicamente, pero bin cu corientenan stranjo cu tin efectonan cu bo no ta prepara pe, segun Minister Presidente.