TEL AVIV, Israel- Prome Minister Israeli, Benjamin Netanyahu, su casa Sara y nan yiu Yair, a wordo interoga di forma simultaneo. Esaki a sosode dialuna relaciona cu e caso di e gigante di telecomunicacion, Bezeg, y su plataforma di contenido Walla, riba sospecho di corupcion. Asina medionan local a informa.
Netanyahu a wordo interoga pa polis na su residencia oficial na Jeruzalem. Sara y Yair Netanyahu a wordo interoga den e oficinanan di e Unidad di Delincuencia Economico Nacional, Lahav 433, den e ciudad Lod, segun e emisora estatal Kan a informa.
Segun e corant ‘Maariv’, Sara y Yair a topa cu ex consehero di prensa di e Prome Minister kende awo ta testigo di estado, Nir Hefetz, mientras cu Netanyahu mester a contesta preguntanan riba e confesion di Hefetz, di cual nan a mustr’e un pida di dje. Incluso, e caso aki conoci como “caso 4 mil of caso Bezeq” a bira mas pio ora cu Hefetz a wordo deteni luna pasa y el a yega na un acuerdo cu Ministerio Publico pa ta testigo y duna nan prueba.
Cu e acuerdo aki cu Ministerio Publico, Hefetz ta uni su mes como testigo na e ex hefe di gabinete Al Harrow y e ex director di Ministerio di Comunicacion Sholmo Filber.
Na mes momento, e accionista mayoritario y gerente di Bezeq, Sahul Elovitch, a wordo interoga ya cu e ta wordo sospecha di a intercambia fabor cu Netanyahu.
Fuente:http://www.france24.com/es