Dialuna prome minister Evelyn Wever- Croes ta duna un update di negociacion cu Hulanda. Sra. Wever-Croes a duna e anuncio den reunion di Parlamento di Aruba caminda e ta bisa cu negociacion cu Hulanda ta kedando cla y cu pronto lo tend’e mas di esaki.
Ta conoci cu awe prome minister du Curacao, sr. Eugene Rhuggenaath a firma e acuerdo cu Hulanda cu Staatsecretaris sr. Raymond Knops. Parlamentario sr. Endy Croes ta duna un update pa locual ta trata cu negociacion cu Hulanda for di 10 di juli.
Sr. Croes ta bisa cu no por a acepta pa locual ta Caribisch Hervormingsentiteit Rijkswet caminda ta afecta e autonomia pais Aruba y ta mira gobierno Hulandes banda gobierno di Aruba. El a menciona otro puntonan cu a boga pa cambia den e lista pa asina por yega na un solucion cu Hulanda.
Sr. Croes ta bisa cu ta premira pa fin di november lo por yega na firma acuerdo cu Hulanda. “Hulanda kier yuda y Aruba kier ricibi e yudansa na un manera bentahoso y sin interes”, e ta comparti. El a finalisa ta bisa cu e yudansa ta cerca despues di varios luna pero esey ta pa salba e lucha y autonomia di Aruba.