A topa cu basta huurmento y pa cu esaki Prome Minister Sra. Evelyn Wever Croes a comenta cu mester cana un caminda prome pa cu e contractnan di huurmento cu no a termina ainda. Mi a topa cu basta sorpresa e mandatario ta comenta unda e ex Minister Presidente Mike Eman tabata mi antisesor y e tabata tin un cantidad di 143 persona den su payrol cu ta personanan na su bureau.
E piso cu Mike Eman tabata sinta aden ta e piso cu mi persona a haya awo den Cocolishi y tin luga pa 15 pa 20 hende sinta traha y no 143, esaki caba ta un sorpresa y mester a kita varios di nan. Lamentablemente e gobierno anterior a haci ta tur e hendenan aki cu a haya contract no esnan cu ta ambtenaar, ta hendenan cu a haya contact voor de duur van het kabinet.
Esei kermeen cu bo ta bin cu e gobierno y bo ta bay cu e gobierno. Manera esnan cu anos a trece awor aki den e Gabinete Wever Croes pa traha y cerca mi persona como prome Minister ta nuebe persona trahando algun di nan ta ambtenaar ta bin traha temporalmente cerca mi y bay bek y otronan a bin for di sector priva pero voor de duur van het kabinet, nan no ta keda un dia mas largo cu nos no ta den gobierno.
Kico Mike Eman den su Gobierno a haci den e caso aki despues of prome cu eleccion a tuma e desicion cu ta hacinan ambtenaar den vaste dienst y eseinan ta desicionnan invalido cu ta desicionnan cu no tin valides y tur e hendenan aki tin cu wordo manda cas y ta un di e sorpresanan cu nos a encontra.
Sorpresa di contactnan largo bou Mike Eman
Prome Minister Sra Evelyn Wever Croes ta comenta cu otro sorpresa cu el a haya ta dos consultant no ta trahadonan cu ta haya salario regular, pero consultant cu ta gana den careda di 15 mil florin pa luna y tin contract mas leu cu e gabinete Mike Eman. Por Ehempel Mike Eman a cera un contract cu un consultancy contract cu un accountant porta ya Mike Eman ta sinti cu e no tin mucho conocimento den account y a cera un contract di mas largo cu e ta Minister y esei no ta husto. Prome Minister Sra Evelyn a bisa cu su persona a studia den e tereno di financias y mi no mester di accountant pa consehami, mi no mester di e servicionan aki. Pa bay kibra e contractnan aki mester bay paga daño perhuicio unda pais Aruba tin bay paga esaki y e tipo di desicionnan aki mi ta haya no ta bon.
Un di dos contract cu mi persona a haya cu un persona cu ta traha pami te na 2019 mi no a wak e niun dia na pia di trabou pero tambe ta gana entre 10 pa 15 mil pa luna y e contract aki ta te 2019.
E di tres sorpresa desagradabel ta huurmento. Mi compromiso den e Gobierno aki cu e parternan den cualicion ta cu ami no ta bay ponenan den posicion cu nos ta bay huur, mi ministerio mi oficina no mester huur pasobra mi no mester di hopi hende pa traha. E cantidad cu mi mester tin espacio den bestuurskantoor den Cocolishi. Pa mi sorpresa ma bin topa cu cuater oficina na huur door di Gobienro anterior, na Europe House tin dos, Bo Bario Nieuwstraat y inovatie ta na Kruisweg. Un di e contractnan no por zeg e op pasobra no tin final pero e tin un final te 2019. Asina e mandatario ta finalisa cu e sorpresanan di contractnan y huurmento.