Prome Minister di Aruba Sra Evelyn Wever Croes a menciona den un entrevista cu na comienzo di aña a cuminsa cu un procedura di un destaho publico unda a publica cu Aruba ta buscando un of mas inversionista cu kier yuda nos den e area unda e refineria ta. A cana dos trayecto, un operador pa refineria of otro industria petrokimico. A habri e di dos cu si den caso cu e inversionista no ta kere den refineria kico otro abo lo propone. E procedura a cana y na fin di Juli 2020 a finalisa y mas di 100 compania tabata interesa.
A apunta un comision independiente segun decreto ministerial cu a bay evalua tur e peticion y a bay den consulta diario y awor aki a finalisa e prome parti cu ta pa e refineria of industria petrokimico, y durante siman e mandatario a haya un tussen rapport cu nan ta conseha gobierno pa un operador pa refineria. Esaki lo keda trata den conseho di minister y ora haya e aprobacion lo bay parlamento pa informa nan y asina lo bay duna informacion na comunidad.
Prome Minister a menciona ta cauteloso pa menciona kico ta bay ta e desaroyo debi cu e destaho publico aki mester bay drenta e fase di negociacion cu e inversionistanan y wak pa tin ocupo di empleo pa nos hendenan y wak cua desarrollo lo comuni Aruba.