Prome Minister di Aruba Sra Evelyn Wever Croes durante conferencia di prensa a toca e tema di corupccion di e encuesta cu a keda haci pa banco central y unda por tuma nota con ciudadanonan a duna nan opinion. Unda residentenan na Aruba ta di opinion cu problema di corupcion ta comun y ta creciente y imporante pa señala ta cu residentenan ta cla pa lucha contra corupcion di nan mes y ta algo hopi bon, y e encuesta a mustra cu politiconan ta wordo considera esun mas corupto den e pais y esun di 2018 ta mustra cu Gobierno no a haci suficiente ainda pa combati corupcion. Den 2019 banco central a haci un encuesta tambe y e resultado tabata casi igual y un punto di diferencia si unda mi persona ta considera e interesante ta esnan cu a wordo encuesta den 2019 no conoce hopi den 2019 cu a yega di paga soborno, y si tabata tin soborno tabata menos cu otro pais. Nos no ta ainda caminda nos mester ta prome Minister a menciona.
Den e encuesta di 2019 ciudadano a bisa cu nan kier mira mas regla pa minister y parlamentarionan y ta algo cu nos ta trahando riba dje un ley di screening, regla di conducta, e ley di screening parlamento tin esaki pa bay trata. Den e encuesta di banco central ciudadanonan ta realisa cu nan tambe por hunga un papel hopi activo pa combati corupcion y no participa na soborno y raporta esaki na instancianan oficial.
Prome minister a lesa parti di e rapport y a menciona e ta decepciona pasobra el a pensa cu talves por a mira resultadonan lihe y e lucha contra corupcion no ta un cos di haci 1,2,3 pero ta algo cu ta tuma su tempo. Prome Minister ta gradici banco central pa e informacion di e encuesta unda e ta un tools importante unda transparencia ta e prome paso cu bo ta gana confiansa bek y e ta dunami speransa.