WELLINGTON, New Zealand – E prome minister di New Zealand, John Key, elogia pa su direccion economico durante e crisis financiero global, a anuncia inesperadamente su renuncia dialuna, tras di ocho aña na poder y a bisa cu e ta apoya su minister finansas pa e tuma over su cargo.
Bill English, vice prome minister y minister di Finansas, a bisa cu probablemente a dicidi durante e anochi si ta postula e direccion di e gobernante di e Partido Nacional, di centro-derecha, den un reunion special di su caucus dia 12 di December.
Key, un ex operador di mercado di cambio cu entre otro companianan di trabao na Merrill Lynch, ta na mita di un tercer mandato di tres aña cu taata marca pa stabilidad politico y reforma economico.
El a bisa na prensa cu e lo permanece den Parlamento lo suficiente pa evita un eleccion parcial pa cubri su parti. E eleccionnan nacional no ta wordo spera te na final di 2017.
“Esaki ta laga e Gabinete y e caucus un tempo suficiente pa acomoda cu un prome minister nobo prome cu encamina den un aña electoral cu un historial orguyoso di un solido gestion economico,” Key a bisa prensa na Wellington.
“Mi tin hopi confiansa cu (e partido) Nacional por y lo bay gana e proximo eleccionnan,” el a agrega. Key a bisa cu e lo vota na fabor di English si e postula pa lider di e partido y prome minister den e reunion di caucus.
“Mi ta bay papia cu e caucus y mi famia y awe nochi,” English a bisa prensa. “Mi no lo bay postula si mi no tin un apoyo solido den e caucus pa mi por haci’e,” el a agrega.
English, cu anteriormente a traha como analista di e Departamento di Tesoreria, probablemente lo sigui hopi di e politicanan principal di Key, segun analistanan.
Fuente: Reuters