Edinburgh, ESCOCIA- Otro siman Parlamento Escoces lo vota pa organisa un otro referendum pa independencia. Esaki segun e Prome Minister Escoces Nicola Sturgeon a anuncia.
Aña pasa un gran cantidad di Britaniconan a vota pa bandona Union Europeo. E mayoria di Escocesnan, en cambio, ta desea di keda den Union Europeo.
Cu un referendum pa independencia, e Prome Minister Escoces kier duna e oportunidad na e pais pa nan sali for di e Reino Uni, pa asina nan keda forma parti di Union Europeo. Segun Sturgeon, e opcion aworaki ta: Brexit (salida hunto cu Reino Uni for di Union Europeo) of pa independencia.
E poblacion Escoces ya caba a vota tocante independencia. Es tempo ey un gran mayoria a vota contra.
Si parlamento Escoces bay di acuerdo cu esaki, lo mester entrga un peticion formal na Londres pa asina organisa un referendum definitivo. E pueblo Escoces lo mester haci nan escogencia den herfst 2018 of lente 2019.
E anuncio ta bin nan un momento critico. Prome Minister Theresa May dentro di poco, lo haci uzo di Articulo 50, encuanto e procedura pa e salida for di Union Europeo. E paragraaf ey di e Tratado di Lisboa ta regla e salida for di Union Europeo. E ora ey definitivamente lo por cuminsa negocia un salida for di Union Europeo.