OTTAWA, Canada- E prome minister Canades, Justin Trudeau, a referi na e tema di Venezuela durante un acto publico, despues di a wordo cuestiona pa su posicion contra di e regimen di Maduro.
“Tur esunnan cu ta bisa di ta amigo di Venezuela mester halsa nan bos pa condena e gobierno di Maduro cu ta esun responsabel di e opresion, di e crisis humanitario cu a provoca un exodo masivo den Suramerica pa culpa di un dictador ilegitimo cu ta sigui falta respet na e constitucion”.
Mei mei di su discurso, el a wordo interumpi pa un homber cu a pidi pa stop e intervencion na Venezuela. “Despensami, cabayero, mi ta den desacuerdo y e pueblo Venezolano probablemente tampoco lo no ta di acuerdo cu bo di manera significativo, ya cu nan ta esunnan sufriendo y nan ta esunnan cu mester di un democracia berdadero”, e mandatario a responde.