Prome Minister di Aruba Sra Evelyn Wever Croes dialuna anochi a habri conferencia bisando cu e tin cu gradici e comunidad di e reaccion positivo cu ta hayando cu e prome y e di dos dia di shelter in place y comunidad a demostra su diciplina y e miho manera pa keda cas. Prome Minister a bisa con cu bay e virus aki no ta cana yega cerca bo ta abo ta sali for di bo cas pasa pikie y trece den bo cas pa peg abo ser kerinan. E hecho cu diadomingo e cayanan di Aruba ta hopi bashi ta un señal cu a cuminsa realisa con importante e ta pa nos keda paden.
Dialuna merdia e update di DVG a demostra cu no a haya ningun caso adicional di cual ta un bon señal y tur esnan cu a keda getest diadomingo a test negativo. Awor aki ta na 50 caso positivo den 634 persona cu a keda getest. E strategia pa test mas hopi posibel pa detecta trempan prome cu un persona haya un chens di pasa e virus pa otro. Prome Minister Sra Evelyn a menciona cu e ta desea tur e personanan un pronto recuperacion.