Dialuna 11 di maart a cuminsa e di 63 Conferencia di “Commission on the Status of Women” na Nacionnan Uni. Prome Minister Evelyn Wever-Croes a wordo invita pa hiba palabra na e conferencia aki y comparti locual nos ta haciendo na Aruba pa fortifica e posicion di mucha y hende muhenan.
“Ta un honor y orguyo pa mi pa expone e trabou di tur hende muhe di Aruba riba tarima internacional. Nos hende muhenan ta logrando hopi pa nos pais y nos ta conta cu varios hende muhe prominente y den posicionnan clave na Aruba”.
Dialuna:
Prome Minister a hiba palabra den e reunion plenario. Tambe e Premier lo hiba palabra riba e tema di traficacion di hende.
Diamars:
Prome Minister a participa na e ‘Women In Power Summit’ y e “Future of Women’s Leadership” na unda e ta riba programa pa hiba palabra tambe na ambos evento.
Diadomingo atardi, Prome Minister a biaha pa New York pa atende cu e reunionnan cu tin riba agenda y diaranson merdia lo ta bek na Aruba. Un biaha mas, Prome Minister Evelyn Wever-Croes ta realisando biahe cortico pero importante, e biaha aki pa fortifica e posicion di mucha y hende muhenan na Aruba.