Prome grupo di empleadonan ta gradua Mi Compromiso cu Aruba na Caribbean Palm Village Resort.
Mi Compromiso cu Aruba ta un programa educativo diseña pa tur persona cu ta traha den e industria turistico. E programa ta mehora e conocimento di e producto turistico di nos isla, cu enfoke riba excelencia den servicio y e futuro sostenibel ambiental.
Diseña pa e Ministerio di Turismo, e ta un inversion den nos hendenan, mehorando nan nivel di profesionalismo y mehorando nan conocimento di nos isla.
Caribbean Palm Village Resort a haci e prome ronda di e programa di certificacion, cu e prome grupo di empleadonan cu hunto a explora e capitulonan mas importante di e historia di Aruba y e historia di turismo.
Nan a repasa tambe e recursonan natural, e cultura, e atraccionnan, e normanan di servicio y conocimento di nan propio desaroyo personal.
E curiculo di e programa a inclui varios sesionnan consecutivo di algun ora tratando e temanan di Turismo, Sostenibilidad, Historia di Aruba, Servicio Excelente, Comunicacion Excelente y Actitud Ganador.