Prome edicion di Preparando di Fin di Aña 2018

Den ambiente Navideño diasabra 15 september 2018 a start e programa Preparando pa fin di aña.

For di 12’or di merdia te cu 6’or atardi na BLUE FM 107.5 presenta pa Cecilito Lopes, den un ambiente unico di fin di aña, pa di 32 aña consecutivo den compania di tur su amistadnan, famia amigo/a nan y conocinan y su oyentenan cu a keda masha encanta mes di es programa aki.

Danki na Tata todopoderoso cu a dunami bida y salud pa un aña mas cu nos dushi oyentenan pa cu e programa di fin di aña. Danki na radio Blue Fm 107.5 cu un aña mas mi ta treciendo e alegria paz y amor den cada hogar aki na Aruba y den exterior.

Danki na e decoradonan Ryner, Nathy y Victor pa e decoracion fantastico el a keda espectacular boso ta Master y danki na Sra. Glenda St. Jago, Sra. Manuela y Liza pa e cos dushinan y tur e Cup cakenan y e saco yena di dushi nan di Pasco, cu tur hende gusta un mundo, boso ta fantastico, danki na Jessy pa e dushi ayakitanan cu tur hende a gusta, waw ambiente, y specialmente na Sra. Denisse di Silla Restaurant cu e Sancocho cu tabata masha dushi mes, waw tur hende a bira loco di e sabor dushi di e Sancocho danki Sra Denisse bo ta tremendo y maraviyoso.

Y na tur nos bon comerciantenan cu ta respaldando nos pa di 32 aña consecutivo di curason boso ta unico pa Aruba sa unda pa bay haci nan shopping nan pa e temporada.
Y tur nos Oyentenan keda boso pendiente, nos lo bay tin yen di premio den e dianan nos dilanti cu Preparando pa fin di aña den bo(so) cas.
Scucha nos desde dialuna pa diabierna di 12’or merdia pa 3’or atardi boso programa tan gusta pa grandi y chikito Preparando pa fin di aña y den fin di october, november y december nos programa lo cuminsa na television Na Canal 22 masha masha danki y feliz temporada di fin di aña Aruba di parti e famia di Preparando pa Fin di Aña 2018.

Comments

comments