Awe diaranson anochi lo tuma luga e prome edicion di Island Fest. E ta un concepto nobo cu lo reemplaza Carubbian. Minister di Turismo, Sr. Dangui Oduber ta amplia mas di e actividad aki.
A scoge pa e nomebr Island Fest, ya cu e ta intencion pa mantene un bes pa luna e actividad aki na San Nicolas. San Nicolas mester di dje, mester stimula movecion, stimula trafico di hende, actividadnan economico di San Nicolas, pa yuda San Nicolas den esaki. E pensamento ta pa mantene e actividad aki un bes pa luna na San Nicolas. Y, cu e pensamento pa den futuro bay otro distrito cun’e.
Aña pasa a lanta un fundacion nobo, cu mester a haci su presentación oficial na ATA. E mester a haya e aprobacion di ATA cu nan tambe ta kere den e evento, ya cu e ta completamente nobo di Carubbian, uno hopi mas grandi, door cu ta haci’e un bes pa luna, pa reemplaza pa tur e simannan cu tabata organisa. Carubbian tabata wordo organisa un bes pa siman, 4x pa luna. Esaki ta un biaha pa luna, e ta hopi mas grandi, e ta diferente den su concepto.
Den un anochi un turista por experencia henter e historia cultural di Aruba. Ta bay tin cumindanan autentico, cumindanan di tur cultura na Aruba. Ta bay tin shownan, atraccion musical, ta bay tin arte y artesania. E ta un mescal di diferente factor pa brinda e experencia na e turista.
Loke e fundacion encarga cu organisacion di Island Fest a bin ta haciendo, ta cu nan a acerca tur touroperator cu ta brinda servicio di transporte na turistanan, y nan a brinda nan cooperacion. Nan a demostra cu nan ta kere den e proyecto. Nan ta presenta na tur concierge di tur hotel, nan ta presente al e termina di ATA crucero, ya cu diaranson un mega cruise ship lo yega.
A scoge pa diaranson, door cu tin un mega crucero cu a trece mas di 6 mil turista riba nos isla. E barco lo sali 10 or di anochi, y e mester ta paden. E turista aki ainda por bay San Nicolas pa cu e festival y despues subi e barco.
Tambe nan ta presente na airport, partiendo flyers, riab screennan. Ta parti flyers pa tur e taxinan. Ta haciendo esfuerso pa no solamente e local bay, pero e intencion ta pa atrae e fluho di turista cu ta enfoca mas bien pabou di brug, hibanan pariba di brug, brindanan un experiencia unico y di calidad. P’esey Island Fest ta e concepto, enfoca ariba experiencia, di calidad diferente. Un invitacion na e comunidad di Aruba, pa sostene e actividad aki. Sostene e economia di San Nicolas, lo tin un mescla di actividadnan presente na e actividad aki. Minister Dangui Oduber ta sigur di cu e actividad aki lo ta uno exitoso.
Di parti di comerciantenan di San Nicolas ta grandi. E cantidad di tentnan di vendornan, cu ta bende cuminda crioyo, y diferente cultura estableci na Aruba.
Tambe lo brinda oportunidad na comerciantenan di San Nicolas, artesania cu nan lo desea di bende, pa ta presente pa bende nan productonan. Ban apoya e comerciantenan aki, ya cu nan tin mester di e apoyo di e comunidad di Aruba en general.
- Latest
