Na Renaissance Convention Center a tuma lugar e di 2nd Dutch Caribbean Agriculture Visioning Process Conference 2023. E proyecto aki a cuminsa aña pasa na October 2022 na Curaçao y e aña aki pa prome biaha e Conferencia Vision di Agricultura di Caribe Hulandes ta tuma lugar na Aruba. Den e conferencia aki a participa 6 Isla y ya caba di aña pasa 2022 nan a cuminsa prepara nan propuesta pa e aña aki 2023, por bin cu solucionnan y con por colabora hunto den Reino. Diabierna awo lo finalisa e conferencia y e islanan lo firma un MoU hunto, pa asina conhuntamente den Reino cuminsa atende cu e obstaculonan y colabora cu otro pa garantisa cada un di e isla, nan seguridad di alimentacion. Den e conferencia por a tende di e representantenan di e islanan, cu mas di e 90 porciento di nan alimentacion ta wordo importa y poco poco nan kier traha hunto pa reduci esaki.
Keda pendiente nos lo trece mas informacion riba e tema Agricultura
.
