Prome curso di FMTB riba desaroyo continuo y digital pa 60+

Nos grandinan tambe ta hopi interesa den siña mas tocante tecnologianan nobo.
Kimberly Boekhoudt di Setar ta informa cu hunto cu Fundacion Movemiento Ta Bida cu nan proyecto ‘Hunto grandi, Grandi hunto’ , di parti di Setar nan ta bezig cu e parti di tecnologia, dus loke ta bo smart phone y kico tur bo por haci cu esaki, cu tur e apps y informacion basico necesario ta temanan cu ta wordo toca den e curso. Esaki pues ta e prome workship di FMTB riba desaroyo continuo y digital pa hendenan 60+ na cual a tuma luga na Setar su edificio di Intel

Sra. Boekhoudt a subraya cu tin algun apps cu a wordo presenta cu ta wordo uza manera Samsung Health cu hopi hende no sa uza, cual bo por uza pa monitoria cuanto stap bo ta cana pa dia, cuanto glas di awa bo ta bebe por ehempel pa bo wak con bo salud ta desaroya.

Tambe riba e parti di WhatsApp y Facebook, con pa uza esaki pa yama sernan keri, con pa haci un group call por ehempel tambe ta informacionnan cu nan lo toca durante e simannan ki cu e curso ta  sigui.

E fundacion a haci un encuesta na unda a resalta cu e interes ta hopi grandi kier siña mas di e mundo tecnologico. Pa Setar esaki ta algo cu nan ta bay midi pa mira con e prome y siguiente fase di e proyecto ta bay, “y sigur como Setar nos lo ta parti di esaki pa sostene nan durante henter e proyecto aki”, sra. Boekhoudt ta bisa.

Comments

comments