Prome cu a manda e waf di Playa pa Barcadera tabata conoci cu e prijs di container lo bay sub pa cual ta bon cu costo di bida ta birando mas caro. Sra. Michelle de Groot, directeur di ATIA ta splica.
Astec a hisa su prijsnan pa servicionan cu nan ta brinda na Barcadera, y esaki tabata un aumento anuncia. Ya ta mas di un aña pasa cu nan a anuncia esaki na ATIA. Esaki tabata e unico manera pa saca bek loke nan a inverti pa loke ta e movemento di waf pa Barcadera.
ATIA a comunica cu Astec directamente ariba e tema aki, recientemente y por a compronde cu aña 2017 ta e ultimo aña cu tin aumento den nan prijsnan. SI mester bisa cu como ATIA nan lo keda vigila e prijsnan pa e bay conforme e afsrpaaknan cu a wordo presenta mas di un aña pasa y pa ta sigur cu e ta wordo implementa na un manera transparente. Aruba ta depende den su mayoria di importacion y pa loke ta e costo di bida, ariba esaki Sra. de Groot a bisa cu algun siman pasa nan a organisa un presentacion na nan miembronan y unda nan a presenta e cifranan di 2016 y e prome kwartaal di 2017. Esakinan por haya riba e website. Por mira cu e consumer index prijs a hasta baha durante 2015/2016. Dus e costo di bida no a subi, e ta algo cu e consumidor ta sinti pero e cifranan no ta demostra esaki.
E parti di importacion a wordo anuncia, y si dividi e costo di un container, e aumento pa producto, e incremento no ta dje halto ey. Segun ATIA, lo por haci un sondeo aworaki, y e presidente ta den contacto cu ASTEC y tambe nan tin contacto cu e brokernan. Pero ATIA lo sigui vigilia esaki di cerca y na unda e diferencia lo ta sinta e ora ey. Asina directora di ATIA, Sra. Michelle de Groot a finalisa bisando.