Durante un combersacion cu director di DTI Sr Anki Koopmans a comenta loke ta e parti di keurmento di e UTV, ATV ultimo dianan ki. UTV’s nan no ta cumpli cu e reglanan si ta un auto di cuatro wiel of e ta cay den e categoria di un motorcycle cu ta di dos wiel. Tin di e UTV nan ta yamanan mes trike, of quadracer pero hopi di nan ta motorcycle, pero momento cu nan tin un cabina parcialmente cera nan tin cu bay cu e reglanan di auto.
Esaki kermeen cu e keurmento ta bay mes un manera cu ta keur un auto y eynan e confusion ta bin cu hopi di e utv’snan no tin spiel meimei den e cabina, of señal, luz di reverse y tur esei mester keda poni acerca y asina no por pasa e keur na DTI. Otro problema chikito cu tin ta e plachi number pasobra si ta un UTV cu tin un cabina e mester haya sea un V of A, den e categoria di un auto e lo cay, y si ta cay den un otro categoria esaki lo bay cay den un MFA of MFV cu ta e parti di brommer y asina ta purba na yuda e clientenan pa wak den cua categoria nan ta cay, si tin un cambio y den categoria robes e ora lo manda esaki bek na Departamento di Impuesto pa drecha e registracion pa cambia esaki, y keur abase di e categoria cu nan ta cay.
Den siman mes nos a keur dos UTV, y unico cos cu nan tabata falta ta e spiel paden, y e plachi number nan a pege riba e dak pero e mester ta bou di un meter y na unda cu e plachi number mester bay tin dos luz pa e plachi number, unda e mester ta abou. Tin varios di e utvnan ta cumpli full pero algun falta algun rekesito chikito pa cambia.