Parlamento tin basta ley cu a keda para cu mester wordo trata den Staten, pero loke ta importante, ta e presupuesto 2019. Presidente di Parlamento, Sr. mr. Ady Thijsen ta amplia.
Lo cumisna cu presupuesto 2019 prome cu aña caba, ya cu Staatsregeling ta bisa esey, y mester cumpli cun’e. Presupuesto 2019 ta na Raad van Advies y CAft, pa despues e bay gobierno bek. Y e ta bin bek pa gobierno, Staten ta haci su pregunta, y ora cu e bin bek parlamento, e lo wordo trata.
Como presidente di Staten, mester zorg pa tratamento bay manera cu e mester ta. No por bay presupuesto den pura, pa despues e parlamentarionan no ta haya oportunidad amplio pa haci nan preguntanan. Mester dunanan full e tempo, si ta posibel, cada minister ta bin apart, pa asina e pueblo tambe por sigui e desaroyo.
P.e., si ta trata Onderwijs, ta esaki so ta wordo trata. Si trata nan hunto, e ta eficiente, y esaki no ta mucho cla pa e pueblo. P’esey mester zorg pa e ta eficiente pa e pueblo pa nan por sigui e desaroyo, vooral ariba e parti socio- economico. P’esey ta calcula pa e di dos siman pa fin di november, pero mas sigur, den practica, e ta bira fin di november, lo trata e presupuesto.
E ta bay bek manera antes, cada minister lo trata su presupuesto apart. Tur hende ta concentra ariba Enseñansa, y depende con largo e tratamento bay. Si no tin mucho pregunta, e dia di tratamento por bay lihe. Ta depende di e ministerann tambe. Pero Sr. Thijsen ta kere cu asina ta e miho manera pa haci’e, ta dunanan tur libertad y derecho pa controla manera mester ta, y pa gobierno defende su maneho. Tur esaki prome cu recess y asina cuminsa 2019 un presupuesto aproba.
E preguntanan ainda mester bin, y e minsiternan mester contesta esakinan. Depende di e contestanan, y durante tratamento, con e parlamentarionan ta bay haci cu e contestanan. Y andando e proceso aki, cos por cambia tambe. Ta bin mocion, amienda, cambionan, tur esey ta bin ainda. Si Sr. Thijsen ta bisa cu e parlamento aki kier haci su trabao di controla gobierno manera mester ta.
Como presidente di Staten, Sr. Thijsen ta asumi su responsabilidad. Y mester bisa cu e parlamento aki ta funcionando miho. E por bira hopi mas miho, pero den politica tur hende ta purba di rebaha otro. Pero si Sr. Thijsen a haya elogio pa e manera con el a maneha reunionnan di parlamento. Critica ta bay tin semper, y loke mr. thijsen kier haci ta conscientisa tur hende.
Loke Sr. Thijsen kier ta pa e pueblo t’ey presenta durante tratamento di presupuesto, pero nan mester bin cu respet. Pero si cos bay for di man, e ta tuma paso, e ta su obligacion pa haci esaki. Den parlamento un ta respeta otro y asina ta cumpli cu deseo di pueblo.
Ainda mester bin tratamento di presupuesto supletorio. Y parlamento tambe mester trata di ley di LAR. E mocion cu a trece a duna e direccion cu e mester bay. Y Hulanda tambe a compronde esaki tambe. Aruba su parlamento ta dicidi y e ta e organo mas halto di nos pais,segun sr. Ady Thijsen, presidente di Parlamento.