Pa basta tempo no a tuma lugar ningun careda di drag race riba pista di Palo Marga, solamente caredanan di street legal y drifting tabata tuma lugar pariba, awor ta asina leeuw cu e prome evento di drag ta programa pa tuma lugar Diasabra 1 di July y lo hiba nomber di Aruba Summer Nationals 2023. Nos por a compronde cu e team di Hot Wheels Dragster maneha pa Randy Ras ta organisando e careda di drag aki di coredor pa coredor, pa asina duna tur esnan cu tin nan auto di drag e oportunidad di jega bek pista di Palo Marga y disfruta di e sport cu tanto nan ta gusta.
Manera cu a keda anuncia cu lo tin un evento di drag na caminda, den differente barionan rond di nos isla a cuminsa scucha zonidonan pisa di motornan den oranan di anochi. Tambe durante weekend tras di lomba nos di masnoticia pasando anochi banda di differente garashinan por mira lus, autonan pafo y movecion paden paso differente teamnan ya caba ta preparando pa e evento grandi aki. Den e proximo dianan nos lo ta buscando contacto cu e organisadornan pa asina nos duna mas informacion relaciona cu Aruba Summer Nationals 2023 cu ta priminti di bira un tremendo evento di drag na Palo Marga International Raceway Park.