Pa medio di e comunicado aki, directiva di Aruba Karate Bond ta invita pueblo en general y fanaticonan di karate den particular pa bin acudi masalmente na nos prome campeonato di karate riba diadomingo 25 di maart 2018, cual ta tuma luga na Compleho Deportivo Frans Figaroa desde 9 or di mainta.
Tur preparacion ta cla y animo ta halto. Manera anteriormente comunica, tur asociacion miembro di Aruba Karate Bond a wordo invita pa e campeonato aki pa medio di nan instructor (‘sensei’) y of directiva. E reaccion ta positivo y un total di seis scol ta participando e diadomingo aki. Cu e yegada di dos referee internacional tur cos ta mustra cu e campeonato ta bay ta uno exitoso.
No laga nan contabo con e campeonato a bay! Bin wak pa bo mes y apoya nos karatekanan. Aruba Karate Bond ta topa boso diadomingo 25 di maart 2018 na Compleho Deportivo Frans Figaroa! Pa mas informacion por comunica cu Sensei Felix Tromp na 7370058 of señora Janina Werleman na 5932002