Tanki Leendert tambe lo haya cas social, Minister di infrastructura sr. Otmar Oduber tabata presente ora a bay haci un control na esaki. E prome di e tres bloknan a keda traha, un total di 12 cas den e prome blok y lo ta un total di 36 cas. For di aña pasa a papia cu FCCA riba modelonan nobo di cas y structura y tecnologia moderno pa traha cas y combersando cu DOW cu no tabata acepta e forma unda tur hende ta traha cas di bloki pero awor tin hopi tecnologia nobo pa traha un cas y a pidi DOW e posibilidad pa construi cas na un forma mas barata y a logra.
A logra na reduci loke e tempo ey FCCA tabata calcula na 2400 florin pa meter cuadra y na e momentonan aki ta papia di construccion di 1600 florin y hasta tin proyectonan cu lo ta poco bou di e suma pero manteniendo e calidad cu ta hopi importante. E materialnan mes cu tin na Tanki Leendert ta pre fab di Hulanda cu a yega un total di 200 cas cu lo keda construi cu e material pre fab.
Cu un velocidad halto lo bay traha riba e 200 plus cas pa e aña aki cu ta bin y ta cumpliendo cu e meta cu a pone nos dilanti y FCCA tambe ta cumpli cu esaki. Gobierno tambe tin cu cumpli cu e presupuesto pa e subsidio cu ta wordo duna na esnan cu mester keda duna cu ta drenta e casnan aki y e bon ta cu ora reduci prijs den e forma cu ta construi un cas, ta cu bo ta reduci huur tambe pa e clientenan cu ta haci uso di e casnan aki.