DEN HAAG, Hulanda – Gobernador di Aruba S.E. Alfonso Boekhoudt a haci awe dialuna 11 di december un bishita oficial na Cas di Aruba. Gobernador Boekhoudt a keda ricibi pa Minister Plenipotenciario Guillfred Besaril y personal di Gabinete di Minister Plenipotenciario. Gobernador di Aruba a wordo acompaña pa director di Gabinete di Gobernador Rajen Budhu Lall y adjudante di Gobernador Bart Breitenstein.
Esaki ta e prome bishita oficial di Gobernador Alfonso Boekhoudt na Cas di Aruba y tambe e prome encuentro cu Guillfred Besaril den su funcion como Minister Plenipotenciario di Aruba na Den Haag. Gobernador a gradici Minister Besaril y e personal pa e recepcion ameno duna na su persona.
Gobernador di Aruba ta na Hulanda pa un bishita di trabao.
Potretnan ta cortesia di Cas di Aruba.