Pa hopi tempo nos muchanan special a wordo laga un banda, awo a yega tempo pa inclui nan mas hopi posibel den deporte. Recientemente Aruba a conoce un gym nobo, Sensory Gym Aruba, cu ta enfoca nan mes riba nos muchanan special.
Jean Jarré Kock ta e fundado y entrenador fisico di e gym, e ta conta cu a nota tipo di concepto asina pero masbien na Merca. Kock riba su mes di profesion ta activo pa algun tempo caba ta brinda e deporte na e grupo di mucha aki. Awo esaki lo posibel cu su propio gym. E meta ta pa duna cualkier mucha cu tin un of otro dificultad, e oportunidad pa haci deporte riba nan mesun tempo y tambe nivel. Sensory Gym Aruba ya tin dos luna activo caba, te cu awo nan ta conta un total di 12 mucha.
E edad ta varia, muchanan di ya 3 aña te cu 12 aña ta bonbini na e gym. Tin diferente actividad cu e muchanan ta haci na e gym, cu ta stimula tambe e parti celebral, social emocional y motorico. Si abo tin un yiu cu dificultad y ta desea pa e forma parti di e gym aki, por yama libremente na 5687197 of por manda nan un mensahe riba nan Facebook page Sensory Gym Aruba.