Sr. Ricardo Croes, lider di Partido REd Democratico ta analisa e prome aña den gobernacion, di e coalicion MEP – POR – RED.
Pa eleccion pasa Sr. Croes tabata lider di Fraccion di RED y e ta lider di Fraccion di partido RED den parlamento, pero no como gobernante. Como parlamentario, e ta 100% informa di e momento cu cosnan ta tuma luga. Tin hopi cosnan di cual nan ta haya informacion prome pero den algun caso, e ta haya informacion despues. E informacionnan ta cana ariba u cierto speed, un cierto prioridad etc.
Pa loke ta e prome aña di gobernacion, cu e gobierno aki ta esun cu a hereda e problemanan di tur desde 1986. Tin hopi reto, ariba tereno di finanza, educacion, etc. Pero a firma un acuerdo cu diferente meta proponi y cu awe, gabinete Wever- Croes a presenta e hecho cu a firma protocol cu Hulanda, basa ariba un Financieel Memorandum cu e Minister di Finanza a presenta.
Sigur e prome aña di gobernacion no ta facil pa atende e retonan cu a encontra, pero como su experencia den parlamento, den su prome aña, coalicion mester traha hunto y hende ta un especie poco dificil, pero politica no ta haci’ mas facil. Pero despues di un aña e tin cu bisa cu coalicion tin un relacion excelente, y tambe su persona tin un bon relacion cu tur parlamentario. E trabao di parlamentario ta uno hopi. Tin hopi comisionnan, Comision Fiho, Comision di Reino, Comision di Parlatino y como fraccion di un solo persona, esey sigur e no ta haci esaki mas facil. Esey ta pone cu e prome aña den parlamento e no por a atende delaster evento na cual e ta wordo invita, ya cu e ta un solo persona. Su prome aña tabata basta pisa pa partido Red Democratico.
Como partido, nan a haya un cartera, cu no ta uno facil, cu ta e cartera di Enseñansa, cual ta un di e prioridadnan di un pais, pa cual Sr. Croes a splica cu nan a ricibi y acepta e reto pa e ministerio di Enseñansa cu man habri. Nan ta bou di e impresion cu e ministerio aki ta un di esunnan mas importante, no solamente na Aruba pero na tur pais. Educacion ta indespensabel pa formacion y pa interpretacion, pa compronde kico ta wordo splica. Educacion en general ta indispensabel, Pa esey a acepta e retonan, nan tin hopi problemanan social cu ta haci su influencia ariba educacion. Tin problemanan structural y infrastructural, sistematico. Y ora cu lanta cara wak rond di mundo, ta realisa cu tin diferente sistemanan nobo y educacion cu ta mustra di ta mas eficiente. Sin embargo, no ta asina facil pa un pais cambia, di anochi pa mainta, den periodo di un gobernacion di cambia un sistema di educacion, manera p.e. Esun di Finland. Aruba su sistema ta completamente diferente.
E vision di gobierno ta pa subi e cantidad di HBO’ers y WO’ers. CBS a indica cu Aruba cu tin entre 0 cu 3% total di WO’ ers y lo ta ideal pa subi esaki na un porciente substancial. E meta ta pa durante e gobernacion aki, pa haci un otro survey y realisa cu a logra subi esaki cu al menos 2 of 3%. Esey ta parti di e vision, pa resolve tur e problemanan di tur indole cu minister a encontra den educacion, pa un otro reto masha grandi mes.
Tin personanan afilia na e gobierno anterior, no ta cumpli y tur esakinan ta retonan grandi, no solamente den e ministerio di educacion, pero otro nan tambe.
Partido RED como partido, idealmente tin su vision pa cu educacion. Pero RED Democratico den coalicion ta un partido cu ta parti di un coalicion cu tin nan mesun visionnan tambe, cu mester duna atencion na e Ministerio di Educacion. Dus no ta solamente visios di Ricardo Croes, como lider di partido, pero ta trata di vision como coalicion.
Gobierno den su plan di gobernacion tin 73 punto den educacion cu mester di atencion. Y esakinan, 51 di nan Minister di Educacion a haci caba, of ta haciendo esaki. Esaki ta importante, pa mustra cu e.o., locual cu a acorda den e acuerdo di gobernacion, for di dje a sali un lista di puntonan conoci como puntonan di accion, di cual minister tin 51 di nan den ehecucion caba.
Pa loke ta ehecucion di e puntonan di accion, pa cuminsa e presupuesto di educacion ta esun mas grandi di gobierno. E ta casi 300 miyon florin, di cual esaki ta wordo gasta den un forma di e.o., personal, subsidio nan scolnan y varios otro gasto. Esaki ta imposibel pa ehecuta si pais Aruba no tin entrada. Pero esaki ta Ministerio di Finanza, Economia mester zorg pa esaki.
Si e Protocol bay manera planea, den e Financieel Economisch Memorandum, lo no mester encontra mas dificultad financiero cu nan a encontra caba. E meta ta pa ya pa otro aña mester yega na e norma di 0.5%. Esaki kiermn cu pais Aruba, cu e plan di maneho lo no costa extra placa den comparacion di loke a wordo presupuesta caba. E contesta ta un NO, e not a costa extra placa, segun Sr. Ricardo Croes, lider di fraccion di RED Democratico den Parlamento.