Ta conoci cu na luna di maart ora cu Covid-19 a yega na Aruba, gobierno a introduci un periodo di alivio. Caminda no Departamento di Asuntonan Social no lo tene na cuenta cu proceso cu tin cu cana normal na DPL.
A introduci e proceso aki cu meta pa acelera e peticion di bijstand. DAS ta anuncia cu nan lo prolonga e periodo di alivio te cu dia 28 di februari 2021. E periodo aki ta pa ambos grupo ‘esnan cu ta ricibi bijstand caba y esnan cu lo aplica’.
PR di Departamento di Asuntonan Social, sra. Jesseline Soto Garcia – Kelly ta bisa cu e maneho nobo di proceso di peticion pa e bijstand di Covid a caba, sinembargo ainda ta procesando peticion nobo cu ta drenta cu ta cay abou di e periodo.
Sra. Soto Garcia – Kelly ta bisa cu pa trata e peticion aki ta tuma su tempo mirando cu antes tabata haya 50 peticion tur luna, pero awo cu e temporada aden te cu November tin un 1600 peticion cu ta drenta y ta crea un lista di espera.
Pa e motibo aki, e ta splica cu tin coleganan interno cu no tabata traha cu bijstand a sigui curso di tres dia pa asina por asisti pa e ‘data entry y facilita e consulent’ na su turno pa por dedica tempo na e parti di investigacion y acumula tur rekisito necesario. Tambe ta corda pa tur esnan cu a inscribi of haya trabou, y toch ta sigui cu proceso pa haya bijstand.
Nan departamento lo evalua esaki. E ta bisa cu persona cu ta haci peticion nobo ta haya prioridad cu esnan cu ta haci peticion di aumento, mirando cu esnan cu ta nobo tin 0 entrada ‘ta mas importante y urgente pa por tin un entrada’.
“Pa esnan cu haya trabou por geef door na nos oficina, por acudi na Lagoenweg of na oficina di San Nicolas cu ambos tin seccion di bijstand. Ta pidi pa yena of trece tur documento necesario pa haci peticion y cumpli cu local ta pidi. Si tin tur cos cla e proceso ta bay mas lihe”, e ta splica.