Centro di gobernacion di Aruba, Bestuurskantoor ta den pleno renobacion y esakinan a cuminsa na 2018. DOW a tene un destaho publico na november/december 2017 unda cu prome cu aña a bolter a otorga e trabou, despues cu minister di Infrastructura, Sr Otmar Oduber a aproba e sumanan, pa a otorga e trabou. E trabou ta parti den 4 fase, A-B-C-D. Ing. Marlon Croes, director di DOW, ta amplia mas ariba e proyecto di renobacion aki.
EDIFICIO PARTI DEN 4 FASE
E edificio parti A ta cla y e parti B tambe ta entrega, cual a haci cu por a verhuis e hendenan cu tabata sinta den parti D, pa parti B, trabounan por sigui den parti D. Edificio C ta parti mei mei , und cu ta trahando ariba e vloer parti ariba, cu ta hopi putri, pa drecha e vloer aki pa e keda den bon condicion. E ora lo sigui pa edificio D, pa por continua cu e trabounan. E trabaounan, segun Ing. Croes, ta un reto grandi ya cu ta trahando ariba un edificio cu ta un monumento. DOW ta trahando conhuntamente cu Monumentenbureau pa loke ta e parti di supervision. Ta purba di cuida e edificio den e estado cu e ta, trece den bon calidad. E ta tuam su tempo ora cu ta trata di un edificio monumental. Aworaki ta bezig cu e trabounan di sloop, y ta spera di caba cu e trabou aki pronto pa asina entrega e proyecto completo.