Na Januari, Perspectiva Mundial a cuminsa. E Perspectiva Mundial di parti di e studiantenan di IPA. Esaki ta un desaroyo di e programa aki cu a wordo presenta den 3 parti cu ta e teoria, pasantia y pa ultimo e fase unda lo bay bek na scol pa pone na practica lo cual cu nan a siña. Sr. Haime Croes, coordinador di Perspectiva Mundial,ta amplia.
Un di e aspectonan importante di e aña aki, ta cu tin un minor di Reino, unda cu ta exchange nos studiantenan cu Hogeschoolnan pafo, y studiantenan di Hulanda, lo bin Aruba, pa wak kico Aruba tin di ofrece.
Den cuadro di e pasantia aki, Sr. Croes kier a invita un y tur pa un exposicion cu ta bay tuma luga dia 17 di april na San Nicolas Store y Cosecha San Nicolas.
E programa tabata un exito rotundo y esaki lo wordo refleha den e exposicion cu e mesun studiante lo presenta. MIrando cue materialnan ta di e studiantenan, cu Directie Onderwijs a pidi e material, ta conseha e studiantenan pa hiba nan curiculo y cu nan por haci uzo di esaki despues.
Tambe ta invita na tur hende pa bin na e exposicion y por aprecia e trabou aki, cu e aña aki ta bin cu hopi rikesa di material informativo pa nos scolnan. Poco a poco tambe e materialnan lo wordo digitalisa, pa haya sa kico nan ta siñando y tambe pa keda practica esaki na scol.
Studiantenan di awo ta bin cu yen di e energia tambe, e ora nan por bin share e experiencia aki unda tambe ta bay contempla pa e docentenan lo por bay e pasantia hunto cu e studianteanan pa nan wak kico ta pasando den e mundo eyfo riba e tereno studiantil, segun Sr. Haime Croes, coordinador di Perspectiva Mundial na IPA.