Na Centro di Bario Brazil a tuma lugar e conferencia di prensa pa auncia e programa oficial di eventonan Cultural. Banda di 2 pm a ser anuncia 6 actividad Cultural cu lo tuma lugar den luna di juli 2023 te cu 3 di September 2023.
A hiba palabra Tito Tromp cordinador di parada, Leo Harms cordinador comicion di Reina Cultural, Audrey Croes Pr ELMAR y Josephine Peterson Project y event coordinator di UNOCA.
Riba 29 di juli 2023 lo tuma lugar Festival Cantica di caya pa 7 pm, 19 di augustus Fiesta (Batacaso) Tipico pa 6 pm, 26 augustus Coronacion di Reina 7 pm, 1 di september parada cu Lanterna 6 pm , 2 di september Fiesta di Tambu y aniversario di Centro di Bario Brazil 8 pm, 3 september Parada Folklore Cultural y dia di Brazil 2023 pa 3 pm, tambe durante e parada lo entrega e premio na e cas miho decora riba e ruta, unda e hurado lo scoge esaki prome cu e parada sali.