Diasabra awo, dia 2 di juni, e programa Angeles de Luz lo ta pasando via radio Latina Tu FM. E programa aki lo ta na encargo di Angie, cu ta un clarividente. Angie ta haya su mensahenan via di su angelnan.
E programa aki lo ta den aire, tur diasabra, for di 6 or pa 6 or y 30 di atardi. Den e programa Angie lo trece su mensahenan positivo. Tambe Angie lo elabora tocante sucesonan na Aruba y rond mundo.
Ademas di esaki, Angie lo papia tocante mensahenan pa pareha, of pa un persona soltero. Cada diasabra lo tin un programa diferente.
Sintonisa Latina Tu FM, 92.3 pa e programa ‘Angeles de Luz’.